Pages - Menu

2009年7月31日 星期五

美味無比的忙果雪芭

愈來愈喜歡雪芭, 真是夏天佳品......


覺得新鮮....因全用鮮果汁制成...


覺得 healthly -- 全因 只用了新鮮生果, 唔喜甜的, 可以連糖都唔加...


上次party真係想做這超方便簡單的雪芭比朋友食下, 但已有2種甜品了, 所以沒有做, 下次一定要公諸同食....


今天的新嘗試 -- 水仙忙果雪芭...


連唔食雪糕的衰衰, 都食完再食, 只因佢鍾意忙果, 話比忙果汁好味...



2個忙果肉攪拌成溶



加了 30g 的糖拌了50ml 的 水, 一匙魚膠粉, 少許 檸檬汁...., 放入雪糕機攪拌30分鐘



完成啦....酸酸甜甜的....很醒胃...


最好係, 食多了都唔會似雪糕咁肥啦...(零忌廉)



下次目標, 波蘿雪芭...

2009年7月30日 星期四

鬼計得逞 的 麵包布丁

 


有次去 sogo 一間餐廳, MTR 一出就見到果間,  衰衰鍾意食佢的甜品 - 麵包布丁...., 為了個甜品去了數次食此餐廳了....


剛在 blog 友 gillianrice 那兒偷師學做此甜品.....原來很易的....不難比蛋糕還要易呢....


食譜 自:  gillianrice


材料:  蛋, 糖, 麵包, 忌廉/奶, 牛油, 少許玉桂粉



因為有些意外, 懶之過, 倒瀉了一些忌廉...所以今次看來可能唔夠忌廉, 我估先將麵包浸在已溝了的忌廉中浸一會可能會入味些...



15分鍾後, 已經似模似樣了.....餐廳要 $40-50 一碗呢....



第一次做, 只做了2杯, 用了新買的 LC 焗碗, 很怕衰衰唔小心打爛呢!


一碗比衰衰, 一碗我同衰人2份食下, 我都覺得好味呀, 食食下, 唔想留比衰人TIM...下次要做3碗了....


嘻嘻, 衰衰鍾意食這些咁肥的甜品, 真係求之不得啦......正呀, 得閒一星期食1-2次, 仲唔谷肥隻廋衰衰....望佢變肥衰衰就好啦...



 

2009年7月28日 星期二

燕麥 / 鮮果汁 早餐

衰人話以後要食燕麥片做早餐,佢 自己唔買, 無同佢買就 e e o o, 怕了佢, 去開 jusco, 都幫佢買包, haha, 唔係衰衰食既野, 當然以方便為主啦....想買即沖比佢tim 呀, 不過, 都係買d 沒有精制過的....快熟, 唔駛煮的....


心想, 食 燕麥片要配奶類, 米要日日幫佢買鮮奶....很煩呀............


如我所料, 今天, 幫佢買了 yogurt drink - 十字牌新出的...配燕麥, 這個很方便, 浸一會已林了, 唔駛煮...


都係 e e o o, 話要出邊早餐果d 熱的一碗碗牛奶麥片喎, 很易煮喎喎喎,


記得之前買過即沖的燕麥片比佢做早餐,


有人話,


早上唔飲 熱野....(那時是冬天, 專登買些熱飲啦)


咁 少少熱水, 再加凍水啦....


有人話,


唔熱唔凍, 很難飲喎......


再心想, 現在夏天, 就食凍奶浸燕麥片啦.  無啦啦話燕麥片係熱食喎......


如果個衰人唔係平時奄奄尖尖, 我都會比心機煮野比佢食,  10次有9次都奄3奄4....


我立即話:  可以, 你鍾意點食可以自己煮的


haha, 即刻沒有野講.....先生, 唔識煮就唔好奄3奄4, 特別係煮野比你既人唔係工人呀...我只是好心幫你煮 ..........., 仲要幫你買埋,   謝謝都無句.......



現在慣了買些生果, 早上可以用攪拌器攪鮮果汁比衰衰做早餐, 覺得有益, 特別係衰衰唔肯食菜, 食多些生果都好啦...


今早有時間, 都做埋比自己.........火龍果汁..........


正呀, 一個剛剛好, 真材實料......對比我在果汁店 $10 杯的, .鮮甜無比呀


今天利誘衰衰嘗試火龍果, 佢唔食火龍果KA...., 攪了杯比佢, 加了小小HONEY, 佢鍾意喎, YEAH, 佢可以食多種生果....下個目標, 要利誘佢嘗試 奇異果, 這2種生果佢唔鍾意黑色的粒粒喎.....


如果, 每天早上, 有人已做了比我做早餐, 真好....


但發夢想下就可以囉..........haha........


JOY TO THE KITCHEN -- COOKING CLASS

有天在三聯看食譜, 見到這本書都幾特別, 由飲品到甜品都有教, 跟足可以煮到一個套餐, 想買與唔買之間, 因為佢比其他書都貴, 要 $125....再看下有張POSTER, 話買了本書, 可以參加寫書者的烹飪示範班...就決定買下了....


很同意書序, 有興趣的人, 廚房真係可以在內尋到快樂的...



報了名, 都係第一次去 TOWNGAS COOKING CTR, 原來有很多名人的烹飪班,, 比 CITYSUPER的烹飪班 平少少, 因為係 KENWOOD 合作, 都有介紹 KENWOOD 的 PRODUCTS...這部就係很專業的 多用途機, 要 $4000-5000...如果我有時間, 唔駛返工,  都會買部玩下....聽講做麵包一流.... 



RACHEL YAU - 原來佢已經出了數本書, 很出名的, 仲有 FANS TIM...




第一個菜:  香草松仁醬, PESTO SAUCE, 真係很香...



撈在意粉中, 真係一流....買埋材料, 我都要玩下這個....但要用很多BASIL同松仁, 都應該幾貴...



分給我們試食..



再教做麵包, 老實講, 看完先知麵包要很長時間制做....很 SIDE 時間同心機, 仲要有佢部專業機....



PIZZA



番茄沙樂美腸麵包



個 PIZZA 就普通啦,,,PIZZA HUT 好味止....個麵包係意外中的好味, 唔怪之要用咁多時間制做....自己做就可以用貴價料做, 真係很正...



之後就係簽名會...



我都有叫RACHEL 幫我簽名...有機會報下佢的 烹飪班先..


2009年7月27日 星期一

7月之星生日會-食物篇

2009年7月26日, 終於大家可以見面一起玩了....衰衰很開心....


haha, 我8怪想傾計, 有時忘記焗野, 有時忘記某種配料.....d 食物剛剛好, 不是余下很多..., 下次要記得唔好用黑椒, 因為衰衰鍾意, 我慣了每樣用少少, 原來其他小朋友怕 spicy, 我以為黑椒唔辣ma...



自制香矛薑汁綠茶



 


小朋友:  芝士火腿波羅粟米 pizza


(小朋友自制)



冷盤:  xo 醬青瓜


(忘記左)


沙拉:   Thai style 蟹柳柚子青瓜蘋果


(個汁果然很似出邊 thailand shop...., 只是有魚露, lemon juice, 糖, 很清新的味道,  小朋友怕spicy, 沒有用紅椒汁), 百佳d蘋果全部都就爛甘款, 選唔到...沒有買...



小食:  香草薯角



           雞肉串燒/西蘭花



肉類:  瑞士汁雞翼/圓類/腸子



菜:  洋忽三色椒炒雜茹      


忘記了個onion...



炒飯:  粟米牛肉 炒飯


個炒飯d 牛柳肉, ok, 我叫肉檔幫我cut開一片片, 但煮熟的飯太林了, 因為平時很少煮甘多飯, d 水多了,  水少我怕硬ma, 所以有點敗筆


衰衰之後都話今次的飯有點唔似平時的水準...



甜品:  柚子蜜大菜糕/朱古力香蕉


用了個新模, 真係很美...



真的很受歡迎的香蕉朱古力



謝謝各位 auntie 買來的水果, 甜品...有些已食了, 都余下咁多...



 

親子做朱古力香蕉

 


向 blog 友 揚媽偷師學的 朱古力香蕉....可以做甜品, 一定受小朋友歡迎....叫衰衰一起邊做邊玩...


先溶了朱古力加牛油同忌廉...原來要香蕉唔變黑, 要先搽lemon juice...真係沒有變黑, 起初擔心太酸, 中和了朱古力的甜味, 都唔係太酸喎...




先搽 lemon juice



再搽 朱古力醬..



可以再加彩虹糖粒, 色彩美些...



完成啦...一條香蕉係衰衰做的....我買了6條, 叫佢再一起幫手, 話要玩, 唔得閒...



加了小小簽, 很 cute...可以吸引唔食香蕉的小朋友



我放了完成品去雪櫃, 發覺衰衰偷食彩虹糖....佢話很好食喎...HAHA


2009年7月24日 星期五

衰衰今日9 歲生日

今年應該係第一次唔請假陪佢....因為大假所余無幾,


衰衰話要去 OCEAN PARK 的夏水禮.......


(生日當天, 衰衰可以免費入場)


上年我同佢去玩, 衰人沒有請假, 我同佢轉了2次車先到,


勁曬, 夏水禮勁濕, 個 BACK PACK 勁重 (有濕了的衣褲, 衰衰的鞋)


辛苦到我 C C 下.......


今年, 難得衰人要清假, 媽媽有籍口話沒有假, 可以唔駛去.......很開心........


**********************************************************************


一早, 同我 的寶貝 講 HAPPY BIRTHDAY.........


做了一個佢超鍾意的 MANGO SMOOTHIES 比佢做早餐


小朋友, 今天玩得開心些........衰人辛苦哂啦...媽媽就係冷氣內的公司舒舒服服的打BLOG,  嘻嘻.....



 

STRAWBERRY 雪芭


看書的食譜, 原來做雪芭係超易的....


首先, 將生果加糖, LEMON JUICE 同少少水變成溶,


現在只得美國strawberry, 沒有了日本同韓國出的..., 原來長抦果隻都甜.....當然唔夠日本啦.. $39.9 都有 10-15粒.



個顏色很美呀....



放在雪糕機的內膽內



攪20-30分鐘變成雪糕狀. 



成功, 很正呀, 酸酸甜甜的....我食了2杯呀, 仲想食tim...不過, 留番比衰人啦....


衰人起初話酸, 再食就話ok, 我話好就好, 唔好就唔好...唔想食就唔好食...佢就扮野話超好味. 激到你c c 下. 佢永遠都唔會話"正"呀, 好味呀...


...可惜, 衰衰唔鍾意雪糕, 所以佢都唔鍾意雪芭...



順便做一杯 STRAWBERRY/ BLUE BERRY SMOOTHIES, 比衰衰...


近日愛上做 SMOOTHIES 比衰衰


飲一杯已食了很多生果,


不同的生果溝溝溝下,


衰衰唔知都食了唔食的生果,


依個方法勁 WORK的同時, 衰衰鍾意飲.


HAHA..............有益, 有營養, 無防腐野..........